പ്രണയം ,
എനിക്കൊരു ചുടുനിരുറവ ആയിരുന്നു
പൊള്ളുന്ന വെയിലില്‍ ഉരുകുന്ന വിയര്‍പ്പായ്‌
ഉരുകുന്ന കനലില്‍ തെളിയുന്ന കണ്ണീരായ്
പാദതിലേക്കൊഴുകും സത്യത്തിന്‍ ചുടുരക്തകട്ടയായ്
ഈ വെയിലില്‍ വേറൊരുനീരെനിക്കെന്തിന്..
നിമിഷങ്ങള്‍ നിനക്കു സ്വന്തം
എരിയുന്ന അടുപ്പില്‍ പെയ്യുന്ന മഴയായി
നിനക്കുള്ള ഒരു പിടി ചോറ് .
കാതിരിപ്പിന്റെ കനലുകള്‍ കണ്ണിലേറ്റുമ്പോള്‍
നീയറിഞ്ഞില്ല എന്റെ നിമിഷങ്ങളെ
കടം തരുകയല്ല, ഈ നിമിഷങ്ങളെ
ഞാന്‍ സമര്‍പ്പിക്കയാണ്,
എരിയുന്ന ഹൃദയത്തിന്റെ പതറുന്ന ഇടിപ്പുപോല്‍ .
ഋതുമാറി ഒഴുകിയ മഴയുടെമേല്‍ പെയ്തൊ-
രുഷ്ണകാറ്റുപോലെന്‍ പ്രണയം.
കനല്‍ പോലെ തിളങുമീ മണ്ണില്‍പ്പതിച്ചൊരു-
തുള്ളി രക്തത്തില്‍ കാണുന്ന മുഖമാണെന്‍ പ്രണയം.
19 December 2008
ഉഷ്ണകാറ്റ്‌
6 June 2008
അത്താഴം
അവന്‍ അവളോടു ചോദിച്ചു : ‘രാത്രിയില്‍ എന്താ അത്താഴത്തിനു?’
അവള്‍ മൊഴിഞ്ഞു : ‘മഴ പെയ്യുമായിരിക്കും‘
‘മഴ പെയ്താല്‍ ?‘
‘നനയും !‘
‘അപ്പോ അത്താഴം ?'
‘തായത്തിടത്തിലെ ശ്രീലത പ്രസവിചു; ഇരട്ടക്കുട്ട്യൊള്‍‘
‘ആണ്‍കുട്ട്യൊ പെണ്‍കുട്ട്യൊ?’
‘ഒരാണ്‍കുട്ടീം ഒരു പെണ്‍കുട്ടീം’
‘അതിനിങ്ങനെ പരയണ്ട; രണ്ടും എന്നു പരഞ്ഞാ മതി‘
‘ഇങ്ങനേം പരയാം‘
‘അപ്പോ ചിലവായി അല്ലേ; അവളുടെ നായര്‍ക്ക് ?’
‘അവള്‍ക്കിനി പ്രസവിക്കാണ്ടല്ലൊ; ആണിനെം പെണ്ണിനെം കിട്ടില്ലേ?‘
‘അതും ശരി; രണ്ടാം പ്രസവത്തിന്റെ ചിലവും കുറഞ്ഞു; ബുദ്ധിമുട്ടും.‘
‘ബുദ്ധിമുട്ടൊ ? ആരുടെ?‘
‘ആശുപത്രീലൊക്കെ പോകണ്ടെ ചെക്കപ്പുകള്‍ നടത്തണ്ടെ..‘
‘അപ്പൊ പ്രസവം ഒരു ബുദ്ധിമുട്ടല്ല അല്ലേ ?‘
‘എന്നു ഞാന്‍ പറഞ്ഞില്ല..‘
‘പറയണ്ട കാര്യമില്ലല്ലൊ..‘
അങ്ങനെ പറഞ്ഞും പറഞ്ഞും അത്താഴത്തിന്റെ നേരം മെല്ലെ അവരടുത്തെത്തി.
‘ഇനീപ്പൊ അത്താഴം....‘ അവന്‍ വീണ്ടും
‘ഇനിയെന്ത് ; അതൊന്നും ഒരു ബുദ്ധിമുട്ടല്ലല്ലൊ പോയി ഉണ്ടാക്ക് ..‘
അപ്പൊ മഴ പെയ്തു തുടങ്ങിയിരുന്നു.. തണുത്ത കാറ്റ് ജനല്‍ വാതിലുകള്‍ കൊട്ടിയടച്ചു കൊണ്ടിരുന്നു !!
(ഒരു പത്തു മിനുട്ട് കത)
15 May 2008
ചെരിഞ്ഞ വീട് (ഫോട്ടൊ)
ആസ്ട്രിയയിലെ സാല്‍സ്ബൂര്‍ഗില്‍ നിന്നൊരു ദ്രിശ്യം. ഇതൊരു അവധിക്കാല വസതിയാണ്. കുന്നിന്‍ മുകളില്‍...കുറഞ്ഞ കാശിനു കൂടുതല്‍ നാള്‍ താമസിക്കാം..കുന്നിന്മുകളില്‍ നിന്നുള്ള കാഴ്ചകള്‍ ഫ്രീ..
എങ്ങനെ ചെരിഞ്ഞു എന്നല്ലേ.. താഴെയുള്ള ചിത്രം നോക്കൂ...ഈ രണ്ടു ചിത്രത്തിലും മരങ്ങള്‍ ചെരിഞ്ഞിട്ടില്ല എന്നതാണ് വേറൊരു വസ്തുത.
ഇത് നേരെയുള്ള വീട്.
17 April 2008
ചോന്നമ്മ തെയ്യം (ഫോട്ടൊ)
ചോന്നമ്മ- എന്റെ നാടിന്റെ അമ്മ.
ചോന്നമ്മയുടെ മുടി...എതാണ്ട് നാലു മീറ്റര്‍ നീളം വരും എന്നു തോന്നുന്നു
ഇതു വേറൊരു പോസ്..ഇവരില്‍ ചിലരെ നിങ്ങള്‍ക്കറിയുമായിരിക്കും..എനിക്കറിയില്ലാട്ടൊ..
10 April 2008
കുട്ടിതെയ്യം (ഫോട്ടൊ)
+copy.jpg)
ഇതു നോക്കൂ..ഈ കുട്ടിത്തെയ്യത്തെ.. ചോന്നമ്മയുടെ കൂടെ എന്റെ നാട്ടില്‍ വന്നതാണ്. ചോന്നമ്മയുടെ പടം അടുത്ത പോസ്റ്റില്‍..
3 April 2008
കോരന്റെ വാഴയ്ക്ക് മണ്ഡരി
കോരന്റെ വാഴയ്ക്ക് മണ്ഡരി
കോരനതിശയമായ്
മണ്ഡരി മണ്ടയില്‍ ഒരു ചോദ്യച്ചിന്നമായ്
പിന്നെ അമാന്തിച്ചില്ല,
സ്വിച്ച് ഓണ്‍,ഡയല്‍ അപ്പ്
(പാ‍വം കോരനിപ്പൊഴും ഡയല്‍ അപ്പ് കണക്ഷന്‍)
ഗൂഗിളി‌ല്‍ ചാടിക്കയറിയി.
സെര്‍ച്ച് വേര്‍ഡുകള്‍ കൊടുത്തു
വാഴയൂസേര്‍സ് ഫോറത്തില്‍ പോയി
സൈയിറ്റായ സൈയിറ്റൊക്കെ
പാഞ്ഞു നടന്നു കോരന്‍.
രണ്ടാം ക്ലാസ്സില്‍ പടിക്കേണ്ട മകള്‍
സഹായിക്കാനെത്തി,കാര്യമുണ്ടായില്ല..
ഗര്‍ഭിണിയായ പത്നി പ്രയാ‍സപ്പെട്ട്
പാചകബ്ലോഗുകളില്‍ ഊളിയിട്ടു.
എടുത്തു പാനസോണിക് കോഡ്‌ലെസ്സ്
വിളിച്ചു ചാനലുകാരെ
ഓടിയെത്തിയ ചാനലുകാര്‍
മൈക്കുകള്‍ കോരന്റെ വായില്‍ തിരുകി.
വാഴയുടെ പലവിധപോസുകള്‍,
കോരന്റെ പരസ്യപ്രസ്താവനകള്‍,
ചലിക്കും ചിത്രങ്ങള്‍,ലേഖനങ്ങള്‍,
മാധ്യമങ്ങള്‍ ആഘോഷിച്ചു.
സര്‍ക്കാരിനുത്തരം മുട്ടി.
കേന്ദ്രസംഘത്തിനു വഴിമുട്ടി.
കോരനിന്ന്
സിമാമി, ഉമ്മാമി,റൈസ്, മുട്ട് തുടങ്ങിയ
അമേരിക്കന്‍സര്‍വകലാശാലകളില്‍
ക്ലാസ്സെടുക്കുന്നു.
മണ്ഡരിപിടിച്ച വാഴക്കൂഞ്ഞുങ്ങള്‍
ഡൈനിങ്ങ്ടേബിളിനെ അലംകരിക്കുന്നു.
ലേറ്റസ്റ്റ് കുട്ടിക്ക് അമേരിക്കന്‍ പൌരത്വം!!
1 April 2008
കാണാന്‍ വന്നവര്‍
പലരും വന്നു.
തെക്കേടതിലെ ജാനകിത്തള്ള
പടിഞ്ഞാറെടത്തിലെ തേതിവല്യമ്മ
നുറുക്കു വില്‍ക്കുന്ന നുറുക്കുമ്മ
ഇലക്കാടന്‍ രാമുവൈദ്യരുടെ രണ്ടാം ഭാര്യ
കോളജില്‍ പോകുന്ന രാജി
സ്കൂളിലെ പുതിയ മാഷിന്റെ ഭാര്യ
പിന്നെ ചില ആണുങ്ങളും.
കരിതേച്ച നിലത്തെ കീറപ്പായയില്‍
വാടിയ വാ‍ഴയില പോലെ ദെച്ചു ചുരുണ്ടു കിടന്നു.
ആറു വയസ്സുള്ള മകന്‍
ആളുകളെ നോക്കി അന്തം വിട്ട് നിന്നു.
അനിയന്‍ പൊട്ടന്‍ ബീഡിതെറുക്കാതെ
മുറത്തില്‍ എന്തൊക്കെയൊ ചികഞ്ഞു.
പുറത്തെ തിണ്ണയിലിരുന്ന്
കല്യാണിഅമ്മ പായാരം പറഞ്ഞു
കപ്പണയിലെ കൂട്ടമായ് ചെയ്ത കുരുതിയെപ്പറ്റി
കടിച്ചു കീറിയില്ലേ എന്റെ ദെചൂനെ..
കാണാന്‍ വന്നവര്‍ ശ്വാസം പിടിച്ചു.
അയല്‍ക്കാര്‍ പൊടിപ്പും തേങ്ങലും
അലക്കി ഉണക്കി മടക്കാന്‍ തുടങ്ങി.
കൊതുകു പരക്കും മുമ്പേ ആളുകള്‍ മടങ്ങി
കാട്ടുചേനയുടെ മണം പേറി കാറ്റുവന്നപ്പോള്‍
ദെച്ചുവിന്റെ മകന്‍ വിശന്നു കരഞ്ഞു.
ചില മാസങ്ങള്‍ കഴിഞ്ഞപ്പോള്‍
പിന്നെയും പലരും കാണാന്‍ വന്നു.
ഇന്നവര്‍ കണ്ടത്
തൂങ്ങിയാടുന്ന ദെച്ചൂന്റെ മെല്ലിച്ച ദേഹം ! !
ഇതു അരെങ്കിലും കണ്ടൊ?
ഈ പോസ്റ്റ് ആര്‍ക്കെങ്കിലും കാണാന്‍ പറ്റുന്നുണ്ടെങ്കില്‍ പറയണേ..
കൊവിതകള്‍ ഗൂഗിളിന് ഇഷ്ടായില്ലേ എന്നൊരു സംശയം ..
28 March 2008
ഒരു പതനം (ഫോട്ടോ)
നിറങ്ങളില്‍ ആറാടി.....
ചിലരൊക്കെ താങ്ങിനിര്‍ത്തി......
പിന്നെയാരോക്കെയോ തള്ളിയിട്ട് ....
ഒടുവില്‍ മണ്ണിലേക്ക് ......
പിന്നെ ചതഞ്ഞരഞ്ഞ് .....
24 March 2008
ആകാശക്കാഷ്ചകള്‍
മേഘങ്ങളിലൂടെ...
ഫ്രാങ്ക്ഫര്‍ട്ടില്‍ നിന്നും..
മേഘങ്ങളില്‍കയറി...
മേഘങ്ങളില്‍ അലിഞ്ഞ്...
പിന്നെയും......
ചാവുകടലാണെന്നു തോന്നുന്നു...
പിന്നെ മരുഭൂമിക്കു മീതെ...
എന്റെ സ്വന്തം നാട്ടിലേക്ക്....jpg)
Subscribe to:
Posts (Atom)
